18 июлнинг эътиборга молик янгиликлари — «Дарё»нинг кечки дайжестида.
1. Чашмаи Аюб мақбарасидан ўғрилаб кетилган пешлавҳа Британиядан Ўзбекистонга қайтарилади. Лондонда шу ҳафтада артефактни Ўзбекистон элчихонасига топшириш маросими бўлиб ўтиши кутилмоқда.
2. Ўзбекистонда «Эзгу мақсад» халқаро хайрия фонди ташкил этилди. Ўзбекистон Президенти Шавкат Мирзиёев 14 июль куни шу ҳақдаги қарорни имзолади.
3. Соғлиқни сақлаш вазирлиги ўзининг ижтимоий дорихона тармоқларини ташкил этади. Шавкат Мирзиёев 17 июль куни «Аҳолини дори воситалари ва тиббиёт буюмлари билан таъминлаш тизимини такомиллаштириш бўйича қўшимча чора-тадбирлар тўғрисида»ги қарорни имзолади.
4. Марғилонда Damas юк машинаси билан тўқнашиб кетди, уч киши ҳалок бўлди. Суратда Damas’нинг юк машинасига келиб урилган томони бутунлай пачоқ бўлганини кўриш мумкин.
5. Ўзбекистонда ЙТҲлар сони ўтган йилнинг шу даврига нисбатан 77 тага камайди. Ушбу ҳодисаларда дунёдан кўз юмганлар 21 нафарга, тан жароҳати олганлар 83 нафарга камайди.
Изоҳ (0)