Қирғизистонда бугунги кунгача 29 киши президент сайловида иштирок этиш истагини билдирди. Бу ҳақда мамлакат марказий сайлов комиссияси маълум қилди, дея хабар беради «ТАСС».
«5 киши сиёсий партиялар съездларида номзод сифатида танлаб олинди. Қолганлар ўз номзодини илгари сурувчилар ҳисобланади. Сайловда иштирок этишга охирги талабнома Арслонбек Малиевдан келиб тушди», — таъкидлади МСК вакиллари.
Съездлар давомида амалдаги бош вазири Сооронбай Жээнбеков, собиқ бош вазир Темир Сариев, собиқ спикер Адахан Мадумаров, парламент фракцияси етакчиси Бакит Торобаев ва собиқ омбудсман Турсунбек Охун номзод сифатида эълон қилинди.
Номзодларни илгари суриш августгача давом этади. Шундан сўнг улар қайд этиш жараёнидан ўтиши лозим. Бунинг учун 30 минг фуқаро имзосини тўплаш, қирғиз тили синовидан ўтиш ва 1 миллион сом (15 минг доллар атрофида) миқдорида сайлов гаров пули қўйиши талаб этилади.
Изоҳ (0)