Qirg‘izistonda bugungi kungacha 29 kishi prezident saylovida ishtirok etish istagini bildirdi. Bu haqda mamlakat markaziy saylov komissiyasi ma’lum qildi, deya xabar beradi “TASS”.
“5 kishi siyosiy partiyalar syezdlarida nomzod sifatida tanlab olindi. Qolganlar o‘z nomzodini ilgari suruvchilar hisoblanadi. Saylovda ishtirok etishga oxirgi talabnoma Arslonbek Maliyevdan kelib tushdi”, — ta’kidladi MSK vakillari.
Syezdlar davomida amaldagi bosh vaziri Sooronbay Jeenbekov, sobiq bosh vazir Temir Sariyev, sobiq spiker Adaxan Madumarov, parlament fraksiyasi yetakchisi Bakit Torobayev va sobiq ombudsman Tursunbek Oxun nomzod sifatida e’lon qilindi.
Nomzodlarni ilgari surish avgustgacha davom etadi. Shundan so‘ng ular qayd etish jarayonidan o‘tishi lozim. Buning uchun 30 ming fuqaro imzosini to‘plash, qirg‘iz tili sinovidan o‘tish va 1 million som (15 ming dollar atrofida) miqdorida saylov garov puli qo‘yishi talab etiladi.
Izoh (0)