Германия қирувчилари Жанубий Корея самолётига Штутгартда қўнишга ёрдам берди

Германиянинг икки қирувчиси Жанубий Корея йўловчи самолётига Штутгарт аэропортига қўнишга ёрдам берди. Бу ҳақда «Газета.ru» хабар бермоқда.

Айтилишича, Korean Air компанияси самолёти Сеулдан Цюрихга кетаётган эди. Номаълум сабабларга кўра учувчилар диспетчерлар билан алоқани йўқотди.

Йўловчи самолётга ёрдам бериш учун Германия ҳарбий-ҳаво кучлари иккита қирувчини ҳавога кўтарди. Улар самолётни Штутгарт аэропортига кузатиб борди.

Жанубий Корея самолёти техник кўрикдан ўтказилади, унга қадар 200 га яқин йўловчи аэропортда кутиб туради.