Germaniya qiruvchilari Janubiy Koreya samolyotiga Shtutgartda qo‘nishga yordam berdi

Germaniyaning ikki qiruvchisi Janubiy Koreya yo‘lovchi samolyotiga Shtutgart aeroportiga qo‘nishga yordam berdi. Bu haqda “Gazeta.ru” xabar bermoqda.

Aytilishicha, Korean Air kompaniyasi samolyoti Seuldan Syurixga ketayotgan edi. Noma’lum sabablarga ko‘ra uchuvchilar dispetcherlar bilan aloqani yo‘qotdi.

Yo‘lovchi samolyotga yordam berish uchun Germaniya harbiy-havo kuchlari ikkita qiruvchini havoga ko‘tardi. Ular samolyotni Shtutgart aeroportiga kuzatib bordi.

Janubiy Koreya samolyoti texnik ko‘rikdan o‘tkaziladi, unga qadar 200 ga yaqin yo‘lovchi aeroportda kutib turadi.