iPhone 8 камерасининг асосий ўзига хослиги маълум бўлди

Apple компанияси янги iPhone 8 нинг камераси учун лазерли датчик ишлаб чиқмоқда. Бу ҳақда Fast Company нашри хабар берди.

Айтилишича, бу суратлар сифатини кўтариш ва объектларнинг иловали реалликдаги аксини яхшилаш имконини беради.

Apple VCSEL лазерли датчигидан фойдаланишни режалаштирмоқда. Унинг ёрдамида смартфон саҳна чуқурлигини аниқлайди. Шу тариқа объектларнинг тасвири анча яхшиланади.

Бундан ташқари, лазерди датчик оддий тасвирга олиш пайтида автофокус сифати ва тезлигини оширади.