Тошкент 15 йиллик танаффусдан сўнг яна Ўрта Осиё бўйича оммавий ахборот воситалари анжуманига мезбонлик қилади, у ҳар йили Европада хавфсизлик ва ҳамкорлик ташкилотининг ОАВ эркинлиги масалалари бўйича вакили бюроси томонидан ташкил этилади. Мавзуси «Марказий Осиёда очиқ журналистика» бўлган ҳисоб бўйича 19-форум Тошкентда 18—19 октябрь кунлари бўлиб ўтади, деб ёзади «Газета.uz».
Анжуманда 80 га яқин журналистлар, ҳукумат, фуқаролик жамияти ташкилотлари, академик доира вакиллари ҳамда халқаро экспертлар қатнашиши кутилмоқда, улар минтақадаги ОАВ эркинлиги билан боғлиқ масалаларни муҳокама қилади.
Кун тартибидаги мавзулар орасида ахборот тарқатишдаги тенденциялар, рақамли ва мобил муҳитнинг ривожланиши билан боғлиқ даъватлар, шунингдек, ОАВ эркинлиги ҳимояси ва матбуотда душманлик тилига қарши кураш бор.
ЕХҲТнинг Ўрта Осиё бўйича ОАВ анжуманлари ҳар йили минтақа мамлакатларидан бирида бўлиб ўтади. Аввалги, 18-анжуман Венада бўлиб ўтган эди.
Тошкент 4-анжуманга 2002 йилда мезбонлик қилган, ўшанда унинг мавзуси «ОАВ эркинлиги ва коррупция» бўлган эди.
Изоҳ (0)