Қорақалпоғистон Республикаси божхона бошқармаси ходимлари айрим фуқаролар томонидан ўқотар қуролларнинг ноқонуний сақланишига доир қонунбузарлик ҳолатларини фош қилинди, деб хабар берди Қорақалпоғистон Республикаси божхона бошқармаси ахборот хизмати.
Хусусан, фуқаро Ж.Тажимуратовнинг (барча исм-шарифлар ўзгартирилган) яшаш хонадони амалдаги тартибларга биноан ва холислар иштирокида кўздан кечирилганда, хонадонининг хўжалик томорқасига эски кигизга ўралган ҳолда 1 дона бир стволли ов милтиғи, 2 дона патрон ва 38 дона гильзалар кўмиб қўйилганлиги фош қилинди, Шунингдек, Қўнғирот туманида ўтказилган тезкор тадбир давомида яна бир фуқаро О.Азаматовнинг ҳам яшаш хонадонидан 1 дона бир стволли ов милтиғи ва 3 дона гильзалар яширин равишда сақланаётганлиги аниқланган.
Кегейли туманида истиқомат қилувчи фуқаро А.Мамбетовнинг хонадонини кўздан кечириш пайтида топилган 1 дона икки стволли ов милтиғининг ҳам ҳеч қандай ҳужжати бўлмаган.
Мазкур ҳолатлар юзасидани жиноий ишлар қўзғатилди ҳамда суд томонидан тегишли жазо чоралари кўрилди.
Жорий йилнинг ўтган даври мобайнида Қорақалпоғистон Республикаси божхона бошқармаси томонидан ҳуқуқни муҳофаза қилувчи бошқа идора ходимлари билан ҳамкорликда олиб борилган чора-тадбирлар натижасида қурол-яроғ ва ўқ-дориларни божхона чегаралари орқали ноқонуний равишда олиб ўтиш, бу каби совуқ қуролларни тегишли рухсатномаларсиз ўз хонадонларида сақлаш билан боғлиқ бир нечта қонунбузарлик ҳолатлари фош қилинди.
Натижада 6 та ўқ отар қурол, 11 дона ўқ, 103 дона гильза, 10 килограмм дробь, 1324 дона капсула, 26 грамм порох, 496 дона пневматик патронлар, 912 дона пневматик ўқлар капсуласи, 10 дона электрошокерлар далилий ашё тариқасида олиб қўйилди.
Изоҳ (0)