Delta Air Lines авиакомпаниясига самолётнинг Сиэтлтдан Пекинга қилган парвози вақтида йўловчилардан бири учувчи хонасига киришга ҳаракат қилиб, уч кишига жароҳат етказди. Бу ҳақда CNN телеканалига таяниб, «ТАСС» хабар берди.
Телеканал маълумотларига кўра, можаро Boeing 767 самолётида парвоздан сўнг содир бўлган. Тажовузкор қўлга олинган. Ушбу воқеа сабаб учувчи самолётни аэропортга қайтаришга қарор қилган.
Самолёт маҳаллий вақт билан 19:40 да қўнишни муваффақиятли амалга оширган. Можаро сабабчиси Сиэтл аэропортидаги ҳуқуқ-тартибот органларининг қўлига топширилган.
Таъкидланишича, ушбу ҳодиса сабабли иккита йўловчи ва бир нафар экипаж аъзосига жароҳат етган, бироқ уларга айнан қандай жароҳат етгани маълум қилинмади.
Delta вакилларининг хабар беришича, йўловчилар ўз манзилларига айнан шу рейс билан сал кейинроқ учиб кетади.
Изоҳ (0)