Sеgа компанияси ўзининг энг машҳур ретро ўйинлари тўпламидан иборат Sega Forever сервисини ишга туширганини эълон қилди. iOS ҳамда Android тизимлари учун бепул дастурлари тез орада пайдо бўлади. Бу ҳақда The Verge’га таяниб, TJournal хабар берди.
Мобил платформалар Sega Forever сервисидан 2017 йилнинг 22 июнидан бошлаб фойдаланишлари мумкин. Аввалига бешта — Sonic the Hedgehog, Phantasy Star II, Altered Beast, Comiz Zone ва Kid Chameleon ўйинлари пайдо бўлади.
Дастурчилар оригинал сценарий ва графикани сақлаб қолишга ваъда берди. Ҳар икки ҳафтада янги ўйинларни қўшиб бориш режалаштирилмоқда.
The Next Web нашрининг маълум қилишича, Android ва iOS тизимлари учун барча ўйинлар чиқиб бўлган, бироқ АҚШ ҳудудидан ташқарида бўлган фойдаланувчилар учун App Store дастури орқали янги ўйинларни ёзиб олишнинг имкони бўлмаган.
Бепул версия барча асосий функцияларни, жумладан, офлайн тизимида ўйнаш, клоуд сақлаш, геймпадни Bluetooth орқали онлайн-рейтингда қўллаб-қувватлашни ўз ичига олади. Рекламани 2,27 доллар эвазига ўчириб қўйиш мумкин бўлади.
Изоҳ (0)