Яшнобод туманида фоҳишахона сақлаган шахсларга нисбатан жиноий иш қўзғатилди

2017 йилнинг 18 июнь куни тахминан соат 22:00 ларда ўтказилган тезкор тадбир давомида Умаров Бекзод Валиевич, Шарипов Аббос Вахидович ва Файзуллаев Аброр Хакимовичлар Яшнобод тумани ҳудудида жойлашган хонадонда фоҳишахона сақлаб, 40 000 сўм пул эвазига фуқаро «Ф» ва «Ш»ларга жинсий алоқа қилишлари учун шароит яратиб бергани аниқланган. Бу ҳақда Тошкент шаҳар Ички ишлар бош бошқармаси хабар берди.

Мазкур ҳолат юзасидан Яшнобод тумани ИИБ ҳузуридаги Тергов бўлими томонидан Ўзбекистон Республикаси ЖКнинг 131-моддаси 3-қисми (бир гуруҳ шахслар томонидан фоҳишахона сақлаш) аломатлари билан жиноят иш қўзғатилиб, тергов ҳаракатлари олиб борилмоқда.

Юқоридаги шахсларнинг анкета маълумотлари ўзгартирилган бўлиб, фамилия ва исмларнинг ўхшашлик ҳолати тасодифий ҳарактерга эга, дейилади хабарда.