2017-yilning 18-iyun kuni taxminan soat 22:00 larda o‘tkazilgan tezkor tadbir davomida Umarov Bekzod Valiyevich, Sharipov Abbos Vaxidovich va Fayzullayev Abror Xakimovichlar Yashnobod tumani hududida joylashgan xonadonda fohishaxona saqlab, 40 000 so‘m pul evaziga fuqaro “F” va “Sh”larga jinsiy aloqa qilishlari uchun sharoit yaratib bergani aniqlangan. Bu haqda Toshkent shahar Ichki ishlar bosh boshqarmasi xabar berdi.
Mazkur holat yuzasidan Yashnobod tumani IIB huzuridagi Tergov bo‘limi tomonidan O‘zbekiston Respublikasi JKning 131-moddasi 3-qismi (bir guruh shaxslar tomonidan fohishaxona saqlash) alomatlari bilan jinoyat ish qo‘zg‘atilib, tergov harakatlari olib borilmoqda.
Yuqoridagi shaxslarning anketa ma’lumotlari o‘zgartirilgan bo‘lib, familiya va ismlarning o‘xshashlik holati tasodifiy harakterga ega, deyiladi xabarda.
Izoh (0)