ФИФА кунларидан унумли фойдаланган бир қатор футбол терма жамоалари халқаро ўртоқлик ўйинларида майдонга тушди.
17 июнь куни старт оладиган Конфедерациялар кубогида Осиё қитъасининг амалдаги чемпиони сифатида иштирок этадиган Австралия терма жамоаси ЖЧ—2018 йўлланмасини биринчи бўлиб қўлга киритган Бразилияга қарши саф тортди. Беллашувда пентакампионлар 4:0 ҳисобида зафар қучди.
Бунга қадар Бразилия Австралияда Аргентина билан ўзаро ўртоқлик ўйини ўтказиб, 0:1 ҳисобида имкониятни бой бериб қўйганди. Австралия эса ЖЧ—2018 саралаши доирасида Саудия устидан 3:2 ҳисобида зафар қучганди.
Халқаро ўртоқлик ўйини Мельбурн, Австралия 13 июнь, сешанба
Австралия — Бразилия 0:4
Голлар: Диего Соуза, 1 (0:1). Тиаго Силва, 62 (0:2). Тайсон, 75 (0:3). Диего Соуза, 90 (0:4).Худди Бразилия каби тижорат турнесига чиққан Аргентина футболчилари Сингапурда меҳмон бўлиб, мезбонлар дарвозасига жавобсиз 6 та гол уришнинг уддасидан чиқди.
Халқаро ўртоқлик ўйини Сингапур, Сингапур 13 июнь, сешанба
Сингапур — Аргентина 0:6
Голлар: Фасио, 25 (0:1). Анҳель Корреа, 31 (0:2). Гомес, 60 (0:3). Паредес, 74 (0:4). Аларио, 90 (0:5). Анҳель Ди Мария, 90+1 (0:6).Аргентина терма жамоаси КОНМЕБОЛ саралашида 5-ўринни эгаллаб тургани учун, ЖЧ—2018 йўлланмасини Бразилия каби ҳал қилиб улгурмаган. Лионель Месси жамоадошлари ЖЧ—2014 финалига қадар етиб бориб, ҳал қилувчи ўйинда Германиядан енгилганди — 0:1.
Изоҳ (0)