Ҳамма учун қадрдон бўлган картошка дастурхонингиздаги ўзига хос совуқ газаклар учун ажойиб асос бўлиши мумкин.
Пиёз билан картошкали салат
Беш дона янги картошкани пўсти билан қайнатинг, арчинг, кубик шаклида тўғранг. Икки дона қайнатилган тухумни ҳам худди шундай тўғраймиз, бир боғ кўк пиёзни майда қилиб тўғраймиз. Бир ош қошиқ лимон шарбати ва икки ош қошиқ ўсимлик ёғи қўшамиз. Таъбга кўра туз сепамиз.Бодринг билан картошкали салат
Уч дона картошкани пўсти билан духовкада пиширамиз. Тозалаймиз, сомон шаклида тўғраймиз. Сомон шаклида тўғралган икки дона тузланган бодрингни ва майда ҳалқа қилиб тўғралган бир бош пиёзни қўшамиз. Йирик қирғичда қирилган битта катта олмани ҳам қўшамиз, бир ош қошиқ бодринг ёғи ва икки ош қошиқ ўсимлик ёғини аралаштирамиз.Олма билан картошкали салат
10 дона янги картошкани пўсти билан қайнатамиз, совитамиз, бўлак-бўлак қилиб кесамиз. Икки дона ивитилган олмаларни юпқа қилиб кесамиз, уч ош қошиқ консерваланган яшил нўхат доналарини қўшамиз. Шивитни ва икки даста кашнични майда қилиб тўғраймиз, аралаштирамиз, қаймоқ қўшамиз.Лавлаги билан картошкали салат
Духовкада ёки микротўлқинли печда 5 дона картошкани ва 3 дона ўртача катталикдаги лавлагини пўсти билан пиширамиз. Совитамиз, тозалаймиз, майда кубикча шаклида тўғраймиз. Ярим пиёла қайнатилган оқ ловия қўшамиз. Яримта ширин булғор қалампирини майда тўғраймиз ва картошкага соламиз, иккинчи ярмини ҳалқа қилиб тўғраймиз. 1 ч.қ. ўсимлик ёғи, 1 ч.қ. сирка ва1 ч.қ. ханталларни ўзаро аралаштириб салатга қўшамиз. Устини ширин булғор қалампири ҳалқалари билан безатамиз.Манба: «Хитрости жизни»
Изоҳ (0)