Охирги пайтларда нонушта қилмайдиган кишилар сони шубҳали равишда кўпайиб кетди. Шунга қарамасдан тажрибали парҳезшунослар ва мутахассисларнинг таъкидлашича, нонушта — кунлик истеъмол қилинадиган овқатларнинг энг муҳим ва керакли қисми ҳисобланади. Қуйида овқатланиш соҳасида энг машҳур мутахассислар рецептлари бўйича нонушталар эътиборингизга ҳавола қилинади.
Сабзавотли қуймоқ ва резавор мевалар
Қуймоқни тайёрлаш усули жуда оддий: 2 дона тухум оқи, бир дона сариғи, исмалоқ ва помидорлар. Ундан кейин эса ярим пиёла ўзингиз хоҳлаган резавор мева. Бу нонушта кун давомида тўқлик ҳиссини сақлашга ёрдам берувчи оқсилларга бой. Сабзавот ва мевалар эса — ажойиб антиоксидантлар.Сутли сули ёрмаси
Энг яхши нонушта — бу клюква ва ёнғоқ солинган сутли сули ёрмаси. Клюква — яхши антиоксидант, ёнғоқ эса юрак учун фойдали бўлган омега-3 га жуда бой.Янги мевалар ва бир пиёла сут
Мутахассислар нонуштада бир пиёла ёғсизлантирилган сут ичишни ва янги мевалар ейишни тавсия қилишади. Шунингдек, бундай нонуштага йогурт, қайнатилган тухум ва бутундонли майдаланган ёрмалар ҳам қўшиш мумкин.Сабзавотли ёки мевали смузи
Парҳезшуносларнинг тавсиясига кўра, бу нонушта қилишнинг жуда фойдали ва мазали усули: организм овқат ҳазм қилиш учун ортиқча энергия сарфламайди ва шу сабабли ўзини бахтли ҳисоблайди. Смузи рецепти сув, исмалоқ, селдерей, олма, нок, банан ва лимон шарбатидан иборат: ҳаммасини биргаликда кинза ва петрушка солиб блендерда аралаштирилади.Бодом ёғи билан бутундонли тост
Парҳезшунос Доун Жексон Блатнер ўз тонгини ҳар доим бодом ёғи солинган бутундонли тост, кесилган олмалар ва қаҳва билан бошлайди. Блатнер хонимнинг фикрича, бутундонли маҳсулотлар организм томонидан одатдаги нонга қараганда яхшироқ ҳазм қилинади ва уларнинг таркиби минерал моддаларга бой. Бодом ёғи — фойдали ёғ ва оқсиллар манбаи, олмаларнинг таркибида тўғри ҳазм қилиш учун зарур бўлган клетчаткалар кўп. Қаҳвага келганда эса, у уйғонишга ва тўғри фикрлашга ёрдам беради.Манба: «Zdorovie.com»
Изоҳ (0)