Ўзбекистонда Хитойнинг Huawei P10 Plus смартфони сотувга чиқди. Смартфон ўзининг 6,98 миллиметрли ингичка корпуси ва экраннинг олд қисмидаги бармоқ изи сканери билан мақтаниши мумкин, деб хабар берди «Mobinfo.uz».
Huawei P10 Plus’га 8 ядроли, бир кристалли HiSilicon Kirin 960 тизими ҳамда қўшимча 4 Гб тезкор хотира ўрнатилган. Шунингдек, 64 гигабайт ички хотирага эга. Бундан ташқари P10 Plus’нинг 6 Гб тезкор хотира ҳамда 128 Гб ички хотирага эга версияси ҳам мавжуд. Смартфон 4,5G LTE эга бўлиб, маълумотларни 600 Мбит/сония тезликда юклаб олиши мумкин.
Катта ўлчам ҳамда пикселларининг сони ортгани сабаб энергия сарфи ҳам ортган. Шу сабабли унга 3750 мА/соат ҳажмли аккумулятор ўрнатилган.
Huawei P10 камераси Leica компанияси билан ҳамкорликда ишлаб чиқарилган.
Пойтахт савдо марказларида Huawei P10 Plus’нинг 4 Гб тезкор хотира ҳамда 64 Гб ички хотирага эга версияси 5,8 миллион сўмдан сотилмоқда.
Huawei P10 Plus смартфонининг техник тавсифи:
- Экран: 5,5 дюймли IPS ва 2560х1440 пиксел;
- Процессор: саккиз ядроли Huawei Kirin 960;
- График тезлаштиргич: Mali-G71 MP8;
- Операцион тизим: Android 7.0 + EMUI 5.1;
- Тезкор хотира: 4 Гб;
- Ички хотира: 64 Гб;
- SIM: nano-SIM + nano-SIM
- Интерфейси: Wi-Fi 802.11 a/b/g/n/ac (2,4/5 ГГц), Wi-Fi Direct, Bluetooth 4.2 ЛЕ, NFC, USB Type-C
- Навигацияси: GPS, GLОНASС, Galileo, Beidou
- Камера: асосий — монохром 20 Мп ва RGB 12 Мп, фронтал камераси 8 мегапикселга тенг;
- Аккумулятор: 3750 мА/соат;
- Ўлчамлари: 153,5 х 74,2 х 6,98 миллиметр;
- Оғирлиги: 165 грамм.
Изоҳ (0)