Рўзада дори ичиш мумкинми?
«Islom.uz» сайти маъмурияти рўза тутган одам дори ичиши мумкин-мумкин эмаслиги ҳақидаги масалага аниқлик киритди.
«Бизни уйда ҳамма рўза тутади. Уйда кимнидир тиши, боши, ёки юраги безовта қилса қайнотам ‘бир қултум сув билан дори ичса бўлар экан’ дейди. Уларга маҳалламиздаги бир киши шундай қилса бўлади, яна баъзи бир ҳолларда сувсизликдан силласи қуриганда оғизни чайиб ғар-ғара қилиш мумкин деган экан. Шу каби нарсаларга рухсат борми?» — дея мурожаат қилган сайт фойдаланувчиларидан бири.
«Томоғидан ўтган бир қултим сув ҳам, дори ҳам ҳатто фуқаҳолар тош юца ҳам рўзаси очилади деганлар. Қасддан сув ва дори ичгани учун қазо ва каффорат ҳам вожиб бўлади деганлар. Чунки бундай ўринларда ёнбошдан укол олинса рўза очилмаслиги айтилган. Оғизга сув олиб чайқаш мумкин, ғар-ғара мумкин эмас. Чунки одатда ғар-ғарғара қилинганда ичкарига сув ўтиб кетади», — дея жавоб берди сайт маъмурияти.
