«Savollar.islom.uz» сайти муштарийларнинг бирининг рўза тутиш имтиҳонда мия фаолиятига салбий таъсир кўрсатадими деган саволига жавоб берди.
«Ассалому алайкум. Мен 19 ёшдаман. Бу йил университетга ўқишга кирмоқчиман. 3 кундан бери Аллоҳга шукур рўза тутяпман. Лекин кўпчилик бу мия фаолиятига, имтиҳонларга тайёрланишда ёмон таъсир қилади деб айтди. Шу ростми? Илтимос маслаҳат беринг», — дейилади муштарий саволида.
Сайт маъмурият эса саволга қуйидагича жавоб берди: «Рамазон ойида рўза тутишни Аллоҳ таоло Ўзининг каломида оят билан фарз қилган. Тутишингиз фарз. Ўшалар на дунёвий ва на диний билимлардан хабари йўқ одамлар экан. Ҳозир замонавий тиббиёт ҳам рўза тутган одамни нафақат мия фаолияти балки бошқа аъзолари ҳам тутмаган одамникидан кўра яхши ишлашини исботламоқда. Валлоҳу аълам».
Изоҳ (0)