Саудиялик миллиардер, урушдан кейинги тарихда энг йирик қурол-яроғ савдогари ҳисобланган Аднан Хашогги Лондонда 81 ёшида вафот этди, деб ёзади «Вести.ru».
Паркинсон хасталигидан азият чеккан бизнесмен болалари қуршовида ҳаётни тарк этди.
Аднан Хашогги 1935 йилда Саудия Арабистони қироли Абдул Азизнинг шахсий шифокори оиласида дунёга келган.
Тадбиркор ўз бойлигини ХХ асрнинг 60—80 йилларида Яқин Шарқ мамлакатлари ва АҚШ ўртасида қурол-яроғ сотиш бўйича битимлар тузишда воситачилик қилиш йўли билан тўплаган. Жумладан, Хашогги 1980 йиллардаги Эрон—Ироқ урушида Америка қурол-яроғини Эронга сотишга ёрдам берган.
1980 йилларда миллиардлаб долларга эга бўлган Хашогги сайёранинг энг бой одами ҳисобланган.
У 1988 йилда молиявий фирибгарликда айбланиб, Швейцария ҳукумати томонидан ҳибсга олинган ва АҚШга топширилган. Бироқ 1990 йилда Хашогги Америка суди томонидан оқланган.
Изоҳ (0)