Times Лондондаги теракт ижрочиси ҳақида янги тафсилотларни ошкор қилди

3 июнь куни Буюк Британия пойтахти Лондонда уюштирилган теракт ижрочиларидан бири — покистонлик Хуррам Шазад Батт 2005 йили Лондон метросига уюштирилган ҳужумга алоқадорликда гумон қилинган Сожид Шаҳиднинг яқин дўсти бўлган. Бу ҳақда Times газетаси ёзиб чиқди, деб хабар қилади «РИА Новости».

Айтилишича, Батт Лондон шарқидаги мусулмонларга мўлжалланган фитнес-клубда ишлаган. Клуб 42 ёшли Шаҳидга тегишли бўлган.

Шаҳид 2005 йил 7 июлида Покистонда «ал-Қоида» томонидан уюштирилган терактга алоқадорлиги айтилмоқда.

Бундан ташқари, Шаҳид 2005 йилги теракт ижрочиси Муҳаммад Сиддиқхон, шунингдек, «ал-Муҳожирун» радикал диний ташкилоти асосчиси Анжам Човдарининг алоқачиси бўлгани айтилмоқда.