ОАВ: Лондон террорчиларидан бири болаларни ёллашга уринган

Британия пойтахтида терактлар уюштирган гуруҳ шу йил март ойидан бери полиция кузатувида бўлган. Бу ҳақда «ТАСС» хабар берди. 

Ҳужум уюштирганлардан бири эса камида икки йил аввал, болаларни ёллашга уринганида ҳуқуқ-тартибот идоралари назарига тушган. 

The Telegraph нашрига кўра, полицияга унинг устидан «болаларини чалғитиш»да айблаган қўшни аёл арз қилган: сайрдан сўнг уйга қайтган мактаб ўқувчилари оналарига «мусулмон бўлишни исташлари» ҳақида маълум қилган.

Шунингдек, ҳужум қилган шахслардан бири билан битта спортзалга қатнаган ўсмир у уни ва бошқаларни ИШИД сафига қўшилишга даъват қилгани ҳақида гапириб берди.

ИШИД экстремистик гуруҳи жаҳоннинг бир қатор мамлакатлари ва халқаро ташкилотлар томонидан «террорчилик ташкилоти» деб топилган.