Владимир Путин: НАТОда фақат қарам давлатлар бор

НАТО АҚШнинг ташқи сиёсий қуроли ва бу тузилмада фақат қарам давлатлар бор. Бу ҳақда Россия президенти Владимир Путин америкалик режиссёр Оливер Стоунга берган интервьюсида маълум қилди, деб хабар беради «Газета.ru».

«Бугунги кунда НАТО АҚШнинг ташқи сиёсат қуроли. У ерда иттифоқдошлар йўқ, фақат вассаллар бор. Мамлакат тузилмага аъзо бўлганидан сўнг унинг етакчиси бўлган АҚШ томонидан босимга қаршилик қилиши жуда қийин. У ерда исталган нарса пайдо бўлиши мумкин: ракетага қарши мудофаа тизимлари, янги базалар, керак бўлса, янги зарба комплекслари ҳам», — таъкидлади Россия президенти.

Путинга кўра, Россия буни ҳисобга олган ҳолда зарур қарши чоралар кўраётган бўлса ҳам, «вазият тарангликда тутиб турибди».

Олдинроқ Путин АҚШ собиқ президенти Билл Клинтонга Россиянинг НАТОга аъзо бўлиш имкониятини кўриб чиқишни таклиф этганини маълум қилганди.