Япониянинг Toyota автомобиль компанияси Tesla’нинг ўзи эгалик қилаётган барча акцияларини сотиб юборди ва электромобиль ишлаб чиқарувчи Америка компанияси билан ҳамкорликни тўхтатди. Бу ҳақда Nikkei’га таяниб, «Газета.ru» хабар берди.
Toyota 2010 йилда Tesla’нинг 3,15 фоиз акциясини 40,5 миллион долларга сотиб олганди. Таъкидланишича, бундай қадам электромобилларни ҳамкорликда ишлаб чиқаришга йўналтирилган эди.
Нашрнинг манбага таяниб хабар беришича, айни вақтда япон автомобиль ишлаб чиқарувчиси Tesla билан ушбу соҳада ҳамкорлик қилиш заруратини кўрмаяпти, чунки компаниянинг ўзи мустақил равишда электромобиль ишлаб чиқаришдаги саъй-ҳаракатларини янада кучайтирмоқда.
Шунингдек, манба Toyota Tesla’нинг акциялар пакетини биринчи бор 2014 йил октябрида сотганини, 2016 йил охирида эса бутунлай улардан қутулганини маълум қилди.
Изоҳ (0)