Бугун,

  • USD 11095.31
  • RUB 173.84
  • EUR 10772.44

2011 йил 14 сентябрдаги «Тошкент шаҳри ва Тошкент вилоятида доимий прописка қилиниши лозим бўлган шахслар — Ўзбекистон Республикаси фуқаролари тоифаларининг рўйхати тўғрисида»ги қонун қабул қилинганидан буён Тошкент шаҳрида Ўзбекистоннинг бошқа ҳудудларидан келган 128 171 нафар фуқаро доимий прописка қилинди.

Бу ҳақда Тошкент шаҳар ИИББда 1 июнь куни бўлиб ўтган брифингда Миграция ва фуқароликни расмийлаштириш бошқармаси боишлиғи, подполковник Бекзод Сайфуллаев маълум қилди.

Шунингдек, 2016 йил август ойидан бошлаб мамлакатнинг турли ҳудудларидан Тошкент шаҳрига келган 217 827 нафар фуқаро пойтахтда турган жойи бўйича вақтинчалик ҳисобга олинган.

Бугунги кунга қадар Тошкент шаҳрининг паспорт ёшидаги аҳолиси 1 669 959 нафари — 98,3 фоизи биометрик паспорт олган.

Тошкент шаҳри бўйича Ўзбекистон фуқаролигини қабул қилиш учун ҳозиргача 2024 нафар ҳамда Ўзбекистон фуқаролигидан чиқиш юзасидан 4568 нафар фуқаронинг аризаси кўриб чиқилган. Мазкур аризалар Ўзбекистон Президенти Девони фуқаролик масалалари бўйича комиссияга тақдим этиш учун Ўзбекистон ИИВга юборилган.

Президент Шавкат Мирзиёевнинг 2016 йил 20 декабрдаги фармонига асосан уч нафар, 2017 йил 22 февралдаги фармонига асосан 73 нафар, 21 апрелдаги фармонига биноан 103 нафар Тошкент шаҳрида доимий яшовчи, фуқаролиги бўлмаган шахсларга Ўзбекистон фуқаролиги берилган.

Ўзбекистон фуқароларининг хорижга доимий ишлашга, саёҳатга, ўқишга, даволанишга, хизмат сафарига, вақтинчалик яшашга чиқиш бўйича жорий йилнинг бошидан буён пойтахт аҳолисидан келиб тушган 41 986 та ариза ўрганиб чиқилган.

Шу билан бирга доимий яшашга чиқиш бўйича 99 та, чет элдан меҳмон чақириш бўйича 834 та ҳолат ҳамда Ўзбекистоннинг хорижий давлатларда доимий яшовчи 354 нафар фуқаросининг ҳужжатлари кўриб чиқилган.

Жорий йилнинг ўтган даври мобайнида Тошкент шаҳрида 56 612 нафар чет эл фуқаролари ва фуқаролиги бўлмаган шахс вақтинчалик рўйхатдан ўтказилган.

Тошкент шаҳрида ўтказилган пасспорт-виза тизимига оид текширувлар давомида 53 102 нафар Ўзбекистон фуқароси Маъмурий жавобгарлик тўғрисидаги Кодекснинг 223-моддаси биринчи қисмига асосан маъмурий жавобгарликка тортилган.

Бундан ташқари Ўзбекистонда бўлиш қоидаларини бузган 559 нафар чет эл фуқароси ва фуқаролиги бўлмаган шахсга маъмурий баённома расмийлаштирилган. Уларнинг 202 нафари Ўзбекистон ҳудудидан чиқариб юборилган.

Ўзбекистон Сенати томонидан 27 майда тасдиқланган ўзгартиришга асосан, Маъмурий жавобгарлик тўғрисидаги Кодекснинг 223-моддаси биринчи қисмига асосан белгиланадиган жарима миқдори энг кам ойлик иш ҳақининг ярим бараваридан уч бараваригача қилиб белгиланадиган бўлди. Мазкур ўзгартириш матбуотда эълон қилинганидан сўнг кучга киради.

2017—2021 йилларга мўлжалланган Ҳаракатлар стратегиясида Хорижга чиқиш паспортини жорий қилиш ва хорижга чиқиш бўйича стикерни бекор қилиш таклифи киритилган эди. Бу масала юзасидан Ички ишлар вазирлигида махсус ишчи гуруҳ ташкил этилган. Ишчи гуруҳда бевосита ИИВ, ТИВ ва бошқа мутасадди ташкилотлар билан ҳамкорликда ишлар олиб борилмоқда. Ишчи гуруҳга масала юзасидан хорижий тажрибаларни ўрганиб, жорий йилнинг учинчи чораги якунигача таклиф тайёрлаб, ахборот бериш вазифаси юклатилган.

Изоҳ
Асосий янгиликлар
Спорт
The Best совринига даъвогар дарвозабонлар якуний учлиги маълум бўлди
Дунё
Гранатомёт зарбидан омон қолган Грузия президенти Шеварднадзе, коммунистларга қарши ов бошлаган Маккарти ва ҳалокатга учраган “Ту-104”. Кун хронологиясида 9 феврал...
Маҳаллий
Ўзбекистонлик қутқарувчилар Туркияда яна икки кишининг ҳаётини сақлаб қолди