Футбол бўйича Ўзбекистон кубогининг чорак финалига йўлланма олган уч клуб номи маълум.
Тошкентда «Пахтакор» дарвозасига жавобсиз 3 та гол урган «Насаф», Ғузорда кечган такрорий ўйинни минимал ҳисобда ўз фойдасига ҳал қилди ва мамлакат кубоги учун курашни давом эттирадиган бўлди.
Шу тариқа чемпионатни ўзи истаганидек бошлай олмаган «Пахтакор», Ўзбекистон кубогини нимчорак финалдаёқ тарк этди.
Улуғбек Бақоев бошчилик қилаётган «Бухоро» футболчилари Жиззахда «Сўғдиёна» дарвозасига жавобсиз 3 та гол уришга муваффақ бўлди. Томонларнинг Бухорода кечган илк ўйинида ғолибни аниқлаб бўлмаганди — 1:1.
Куннинг учинчи ўйинида Бекобод клуби қўқонликларни мағлуб этиб ҳам навбатдаги босқичга йўлланма ола билмади. Боиси томонларнинг водийда кечган ўйинида Нўъмон Ҳасанов жамоаси 2:0 ҳисобида зафар қучганди.
Бугун — 31 май куни чорак финалга йўлланма олган барча жамоа номига ойдинлик киритилади.
Ўзбекистон кубоги 1/8 финал. Жавоб ўйинлари 30 май, сешанба
«Металлург» — «Қўқон—1912» 3:2
Голлар: Тимур Усмонов, 24 (1:0). Дарко Гожкович, 61 (1:1). Носир Отақўзиев, 73 (1:2). Достон Турсунов, 82-пен (2:2). Достон Турсунов, 89-пен (3:2).Дастлабки учрашув: 0:2«Насаф» — «Пахтакор» 1:0
Гол: Баҳром Абдураҳимов, 64 (1:0).Дастлабки учрашув: 3:0«Сўғдиёна» — «Бухоро» 0:3
Голлар: Акобир Тўраев, 30 (0:1). Иван Нагаев, 62 (0:2). Санъат Шихов, 75 (0:3).Дастлабки учрашув: 1:131 май, чоршанба«Қизилқум» — «Локомотив» (0:5)«Олмалиқ» — «Динамо» (1:1)«Машъал» — «Ёзёвон-Лочинлари» (4:0)«Навбаҳор» — «Нефтчи» (0:1)«Бунёдкор» — «Шўртан» (2:0)
*Қавс ичида биринчи ўйин натижалари келтирилган.
Изоҳ (0)