Ўзбекистон Президенти Шавкат Мирзиёев сентябрда АҚШга БМТнинг Нью-Йорк шаҳрида ўтказиладиган Бош ассамблеяси йиғилишида иштирок этиш учун расмий ташриф билан боришни режалаштирмоқда. Бу ҳақда «1news.uz» Президент матбуот хизматидаги манбасига таяниб хабар берди.
Бирлашган Миллатлар Ташкилоти Бош ассамблеяси йиғилишининг етмиш биринчи сессияси шу йилнинг 13 сентябрида бўлиб ўтади.
«Ушбу йиғилиш доирасида Шавкат Мирзиёевнинг АҚШ Президенти Дональд Трамп билан учрашиш эҳтимоли ҳам йўқ эмас», – деди манба.
Шавкат Мирзиёев 21 май куни Ар-Риёдда араб-мусулмон мамлакатлари ва АҚШ саммити доирасида АҚШ президенти Дональд Трамп билан илк марта учрашиб, ўзаро алоқаларни янада кенгайтиришга боғлиқ масалалар юзасидан фикр алмашгани хабар қилинган эди, деб ёзади нашр.
Изоҳ (0)