O‘zbekiston Prezidenti Shavkat Mirziyoyev sentabrda AQShga BMTning Nyu-York shahrida o‘tkaziladigan Bosh assambleyasi yig‘ilishida ishtirok etish uchun rasmiy tashrif bilan borishni rejalashtirmoqda. Bu haqda “1news.uz” Prezident matbuot xizmatidagi manbasiga tayanib xabar berdi.
Birlashgan Millatlar Tashkiloti Bosh assambleyasi yig‘ilishining yetmish birinchi sessiyasi shu yilning 13-sentabrida bo‘lib o‘tadi.
“Ushbu yig‘ilish doirasida Shavkat Mirziyoyevning AQSh Prezidenti Donald Tramp bilan uchrashish ehtimoli ham yo‘q emas”, – dedi manba.
Shavkat Mirziyoyev 21-may kuni Ar-Riyodda arab-musulmon mamlakatlari va AQSh sammiti doirasida AQSh prezidenti Donald Tramp bilan ilk marta uchrashib, o‘zaro aloqalarni yanada kengaytirishga bog‘liq masalalar yuzasidan fikr almashgani xabar qilingan edi, deb yozadi nashr.
Izoh (0)