Май ойининг бошларида Лондон метрополитенида портлаш уюштиришга уринганликда айбланган 20 ёшли талаба Дэймон Смит 15 йиллик қамоқ жазосига ҳукм қилинди. Бу ҳақда, Sky News телеканалига асосланиб, «РИА Новости» хабар бермоқда.
Лондон метросининг энг гавжум йўналишларидан бирида теракт уюштиришга ҳаракат қилганида Смит ҳали 19 ёшда эди. У метрога бомба солинган рюкзак олиб кириб, портлашни амалга оширмоқчи бўлди. Аммо портлашнинг олди олинди, йўловчилар эвакуация қилинди.
Судда талаба фақатгина терактни имитация қилиб, станцияда тутун келтириб чиқармоқчи бўлганини иддао қилди. Шунга қарамай, тергов унинг сўзларига рюкзак ичида металл шрапнелнинг топилиши зид келаётганига эътибор қаратди.
Бомба тайёрлаш бўйича инструксияни ўсмир интернетдан топгани маълум бўлди.