Испаниялик мутахассис Хосе Мария Мендес бошчилик қилаётган футзал бўйича Ўзбекистон U20 терма жамоаси бугун — 22 май куни Осиё чемпионатининг ярим финали йўлида залга чиқади. Беллашув Тошкент вақти билан 17:00 да старт олади.
Осиё чемпионатига Таиланд пойтахти Бангкок мезбонлик қилаётган бўлиб, ўзбекистонлик футзалчилар унинг «C» гуруҳидан жой олганди. Ливан, Гонконг, Мьянма ва Қатар термалари билан кураш олиб борган Мендес жамоаси гуруҳ босқичини 10 очко билан пешқадам сифатида якунлади. Ливан билан 4:4 ҳисобида якунига етган ўйиндан ташқари, Мьянма 5:0, Гонконг 8:2, Қатар 7:4 ҳисобида мағлуб этилди.
Жами 21 та мамлакат термалари бош соврин учун кураш олиб бораётган Осиё чемпионатида бугун чорак финалнинг барча учрашувлари бўлиб ўтади.
Осиё чемпионати—2017 Чорак финал 22 май, душанба
Индонезия — ТаиландЭрон — ЛиванИроқ — ЯпонияЎзбекистон — Мўғулистон
Ўзбекистон терма жамоаси бугун зафар қуча олса, ярим финалда Ироқ — Япония жуфтлиги ғолиби билан тўқнаш келади. Финалга қадар етиб борган икки мамлакат термалари 2018 йил бўлиб ўтадиган ёшлар ўртасидаги Олимпиадада иштирок этади.
Изоҳ (0)