Шавкат Мирзиёев ва Гурбангули Бердимуҳамедов Туркманбоши шаҳридаги музокарани Ўзбекистон ва Туркманистон расмий делегациялари иштирокида давом эттирди, деб хабар беради ЎзА.
Музокарада икки мамлакат ўртасида иқтисодиётнинг турли соҳалари бўйича ҳамкорликни кенгайтириш истиқболлари кўриб чиқилди. Ёқилғи-энергетика, қишлоқ хўжалиги, кимё ва металлургия саноати, сув хўжалиги иншоотларидан фойдаланиш, сайёҳлик каби йўналишлардаги ҳамкорлик устувор аҳамият касб этиши таъкидланди.
Икки мамлакатнинг тегишли вазирлик ва идоралари раҳбарларига жорий йилнинг март ойида Президентларнинг музокараларида эришилган келишувлардан самарали фойдаланиш, уларни ҳаётга изчил татбиқ этиш, ишбилармонларнинг ўзаро алоқаларини қўллаб-қувватлаш ва рағбатлантириш вазифалари топширилди.
Маданий-гуманитар ҳамкорликни янада мустаҳкамлашга алоҳида эътибор қаратилди.
Изоҳ (0)