2022 йилдан кейин Ерда аста-секинлик билан совиб кетиш бошланади. Бу ҳақда Сибир минтақавий илмий-тадқиқот гидрометеорология институти гидрометеорология ва экология бўлими мудири Николай Завалишин маълум қилди, деб ёзади «Naukatv.ru».
Унинг ҳисоб-китобларига кўра, яқин бир неча йил ичида глобал исиш давом этиб, сайёрада ўртача ҳаво ҳарорати 1,1 °С га кўтарилади. Аммо тахминан беш йилдан кейиноқ, ҳарорат пасайишни бошлайди, бунда одам қанча углеводородни битказиши аҳамиятга эга эмас.
Завалишин — глобал исишнинг антропоген хусусиятини инкор этувчи назария тарафдори. Унинг фикрича, ҳарорат ўзгариши Ер альбедоси — Қуёш энергиясининг коинотда акс этган фоизи пасайиши билан боғлиқ.
Олим эслатишича, ҳароратнинг кўтарилиши ва пасайиши даврлари аввал ҳам кузатилган, улар такрорланувчи хусусият касб этади. Унинг сўзларига кўра, ҳар бир цикл 10 йиллик тез исиш ва 40—50 йиллик секин «совиш»дан иборат.
Изоҳ (0)