Хитойлик нефтчилар тарихда илк бор Жанубий Хитой денгизи тубидан қайноқ муз — юқори босим ва паст ҳарорат таъсирида кристалл моддага айланган сув ва табиий газ бирикмасини қазиб олди. Бу ҳақда мамлакат телевидениеси маълум қилди, дея хабар беради «ТАСС».
Намуналар 1,2 километр чуқурликдан чиқариб олинди. 200 метрли сувости қудуғи Гонконгдан 285 километр жануби-шарқда жойлашганди.
Хитой геологик тадқиқотлар бошқармаси бош муҳандиси Е Цзяньланга кўра, ҳозиргача мазкур бирикманинг 120 куб метри қазиб олинган, ундаги метан миқдори 99,5 фоизни ташкил этмоқда.
Мазкур модданинг бир куб метри 160 куб метр табиий газга тенг: автомобиль 100 литр газда 300 километр юриши мумкин, 100 литр «қайноқ муз»да эса бу масофа 50 минг километрга тенг.
Ҳозирда бу каби лойиҳалар билан бошқа давлатлар, жумладан, Канада ва Япония ҳам шуғулланмоқда, бироқ улардан ҳеч бири қўйилган вазифани уддалай олмади: денгиз тубидан «қайноқ муз» чиқариб олиш техник жиҳатдан мураккаб жараён ҳисобланади.
Изоҳ (0)