Фотогалерея: Ҳаётда бир марта бўлса ҳам босиб ўтишга арзигулик сўқмоқлар

AdMe дунёда сайр қилиш мумкин бўлган ажойиб жойлар, сўқмоқлар суратини тўплаб тақдим этди.

Осмон зинапояси, Гавайи

Хайку сўқмоғи ёки Осмон зинапояси деб аталувчи ушбу сўқмоқ Оаху оролида жойлашган. Уни америкалик ҳарбийлар иккинчи жаҳон урушида тепаликда жойлашган антенналарга чиқиб бориш мақсадида қуришган.

Сикоку зиёрат йўли, Япония

Сикоку оролида қадимий Япониянинг бутун гўзаллиги сақланиб қолган. Ушбу йўл орқали сайр 2 соат вақтни талаб қилиб, бу вақт давомида 88 қадимий Будда ибодатхоналарини томоша қилиш мумкин.

Инклар сўқмоғи, Перу

Инклар томонидан қурилган қадимий сўқмоқ 6 асрдан бери мавжуд ва ҳозирда ушбу йўл бўйлаб туристлар сайр қилади.

Сарек миллий боғи, Швеция

Швециянинг Сарек миллий боғида мамлакатнинг улкан чўққилари, ирмоқлари, музликлари, шимол ёғдуси ва эркинликнинг таърифлаб бўлмас ҳисси мужассам.

Ликия сўқмоғи, Туркия

Ликия сўқмоғи ушбу мамлакатнинг ажойиботларига йўл очади. Бу ерда қадимий Ликия аҳолиси томонидан 3 минг йил олдин қолдириб кетилган қоялардаги қабрлардан тортиб овлоқ мовий кўрфазларгача учратиш мумкин.

Оловли кўрфаз, Австралия

Бу ерга Оловли кўрфаз номи қирғоқлардаги қояларни қоплаган тўқ сариқ лишайниклар ранги сабаб берилган.

Қуруқликдаги сўқмоқ, Австралия

Бу ерда Тасманиянинг гўзал жойларини, юқори тоғ чўққиларни, тиниқ сувли кўллар, шаршаралар ва арчагул майдонларни томоша қилиш имкони мавжуд.

Авлиё Иаков йўли, Испания

Ўрта асрларда бу йўлдан зиётчилар Испания ҳомийси — ҳаворий Иаков қабрига сиғингани келишган.

Зион миллий боғи, АҚШ

Зион — қоялар ва тош платолардан, ажойиб туннель ҳамда сув оқиши оқибатида ҳосил бўлган чуқур канёнлардан иборат.

Аннапурна яқинидаги пиёдалар треки, Непаль

Непаль — дунёдаги энг улкан тоғлар, узоққа чўзилган даралар, тоғларда йўқолган Будда ибодатхоналари каби томоша қилишга арзийдиган масканлардан иборат.