АҚШ президенти Дональд Трамп давлат раҳбари сифатида Россия билан террорга қарши кураш бўйича маълумотларни бўлишиш ҳуқуқига эга бўлганини таъкидлаб ўтди. Бу ҳақда «ТАСС» хабар бермоқда.
Унинг қўшимча қилишича, Россия вакилларига тақдим этилган маълумотлар террорга, хусусан, ИШИД гуруҳига қарши курашга кўмак беради.
«Президент сифатида Оқ Уйда ўтган учрашувда ушбу фактларга Россия томони билан бўлишишни истаган эдим», — деб ёзди у Twitter’даги саҳифасида.
«Бу фактлар террор ҳамда авиапарвозлар хавфсизлигига оид эди. Шунингдек, мен Россия ИШИД ва террорга қарши курашда янада фаоллашишини истаган бўлардим», — қўшимча қилди Трамп.
ИШИД экстремистик гуруҳи жаҳоннинг бир қатор мамлакатлари ва халқаро ташкилотлар томонидан «террорчилик ташкилоти» деб топилган.
Изоҳ (0)