Муқимий номидаги Ўзбекистон давлат мусиқали театрида «Дилдаги доғ ёхуд қопқон» деб номланган икки пардали мусиқали драманинг премьераси бўлиб ўтди. Бу ҳақда ЎзА хабар берди.
Айтилишича, спектаклда экстремизм, диний ақидапарастлик тузоғига илиниб қолган ёшларнинг аянчли қисмати ҳақида ҳикоя қилинади.
Спектакл режиссёри — Ўзбекистон халқ артисти Мирза Азизов. Қўчқор Норқобил асари асосида тайёрланган мазкур асарга мусиқани композитор Сарвар Юсупов ёзган. Бош ролларни Ўзбекистонда хизмат кўрсатган артистлар Турғун Бекназаров, Гулчеҳра Носирова, Александр Бекжонов, артистлар Расулхон Қодирхонов, Зулфия Умирова, Обид Аҳмедов, Нафиса Хўжақулова ва бошқалар ижро этмоқда.
Изоҳ (0)