Россиянинг ахборот соҳасидаги регулятор органи — «Роскомнадзор» агентлиги Хитойнинг WeChat мессенжерини тақиқланган сайтлар рўйхатидан чиқарди. Идора сайтида билдирилишича, компания ахборот тарқатиш ташкилотчилари реестрига киритиш учун талаб қилинадиган барча зарур ҳужжатларни тақдим этган, деб хабар беради «Коммерсант.ru».
«WeChat International PTE ахборот тизимларига нисбатан илгари мавжуд бўлган чеклаш бекор қилинди», — дейилади хабарномада.
Шунингдек, «Роскомнадзор»нинг талабларини Vimeo LLC ва Opera Software AS компаниялари ҳам бажарди.
WeChat мессенжери Россия ҳудудида блоклангани 5 май куни маълум қилинган эди.
Изоҳ (0)