Ўзбекистон Ташқи ишлар вазири Абдулазиз Комилов икки давлат ўртасида дипломатик муносабатлар ўрнатилганига 25 йил тўлиши муносабати билан Эрон Ташқи ишлар вазири Муҳаммад Жавод Зарифни самимий қутлади. Бу ҳақда Ўзбекистон Республикаси Ташқи ишлар вазирлиги матбуот хизмати хабар бермоқда.
Табрик мактубида қайд этилганидек, ўтган чорак аср мобайнида икки мамлакат орасида азалий тарихий ва маданий яқинлик, тенглик ва дўстликка асосланган кенг миқёсли ва изчил ривожланиб бораётган ҳамкорлик алоқалари ўрнатилган.
Шунингдек, сўнгги вақтда бўлиб ўтган икки томонлама делегациялар алмашуви ўзаро манфаатли ва узоқ муддатли ҳамкорлик истиқболларини белгилашда муҳим қадам бўлгани таъкидланди.
Мактубда жорий йилда ўтказилиши мўлжалланган иккиёқлама тадбирлар Ўзбекистон ва Эрон алоқалари ривожига катта ҳисса қўшишига ишонч билдирилди.
Изоҳ (0)