8—9 май кунлари Тошкент шаҳрида 8 ҳайдовчи 10 нафар пиёдани уриб юборди. Бу ҳақда «Uznews.uz» хабар бермоқда.
Жумладан, Юнусобод туманида Damas ҳайдовчиси 1969 ва 1994 йилларда туғилган икки аёлни туртиб юборди. Шу туманда Cobalt ҳайдовчиси 1987 йилда таваллуд топган икки пиёдани уриб кетди.
Чилонзор туманидаги Қозиробод кўчасида ҳам Cobalt ҳайдовчиси ва икки кекса пиёда иштирокида шундай ҳодиса қайд этилди.
Шунингдек, Мирзо Улуғбек, Олмазор, Чилонзор туманларида Matiz, Spark, «Кобалт» машиналари ҳайдовчилари пиёдаларга жабр етказган.
Шайхонтаҳур туманида йўловчиси бўлган ширакайф ҳайдовчи «Нексия» машинаси бошқарувини йўқотиб, Маннон Уйғур кўчасидаги электр ёритиш устунига урилди.
Барча йўл-транспорт ҳодисаларида қурбонлар қайд этилмади. Бироқ жабрланганлар турли даражадаги жароҳатлар олди.
Изоҳ (0)