Олий Мажлис Сенати раиси Ниғматилла Йўлдошев бошчилигидаги Ўзбекистон делегацияси Латвияга ташриф буюради. Бу ҳақда UzDaily хабар бермоқда.
Ташриф доирасида Ригада бизнес-семинар ва Ўзбекистонда ишлаб чиқарилган маҳсулотлар кўргазмаси бўлиб ўтади.
Унда озиқ-овқат, тўқимачилик, вино-шароб, тери-пойабзал, электротехника маҳсулотлари ва қурилиш материаллари тақдим этилиши кутилмоқда.
Тадбир давомида ўзбек компанияларига ўз маҳсулотларини латвиялик харидорларга намойиш этиш, мазкур мамлакат улгуржи ва савдо компаниялари билан алоқалар ўрнатиш, шунингдек, Латвия ва Болтиқбўйи давлатларига маҳсулотлар етказиш бўйича экспорт шартномалари тузишни муҳокама этиш имконияти яратилади.
Изоҳ (0)