Тошкент бозорларида Samsung Gear S3 смарт-соатлари 2,2 млн сўмдан сотувга чиқди

Samsung компанияси Ўзбекистонда янги Gear S3 (Classic) смарт-соатларини сота бошлади, деб хабар берди «Mobinfo.uz».

Янги соат ўзининг классик дизайни билан ажралиб тургани билан илғор хусусиятларга эга. Жумладан, IP68 стандарти бўйича ҳимояланган корпус, GPS-модул ва доимо фаол экранга эга. Бундан ташқари, ишлаб чиқарувчи ҳар қандай кўринишга мос тушиши учун Gear S3 дизайнини оддий механик соатларга ўхшатишга ҳаракат қилган. Фойдаланувчилар соатнинг тасмасини истаган бошқа 22 миллиметрли универсал тасмага алмаштириб, унинг ташқи кўринишини ўзгартириши мумкин.

Samsung Gear S3 нинг техник тавсифи:

• 1,3 дюймли ва 320х320 пикселли Super AMOLED дисплей;
• Corning Gorilla Glass SR+ ҳимоя ойнаси
• 1,0 гигагерцдан иккита ядроли Exynos 7270 чипсети;
• 768 мегабайтли тезкор хотира
• 4 гигабайтли ички хотира
• 380 мА/соат ҳажмли аккумулятор
• ташқи ўлчамлари 49 х 46 х 12,9 миллиметр
• оғирлиги 63 грамм

Пойтахт бозорларида Samsung Gear S3 ақлли соати 2,2 миллион сўмга сотилмоқда. Таққослаш учун, Apple Watch Sport (38 мм) ҳам деярли шунчага сотилади.

Рўйхатда келтирилган қурилмаларни кўрсатилган нархларда сотиб олишга «Дарё» нашри кафолат бермайди. Қурилмалар ва уларнинг нархлари ҳақидаги ахборот фақат танишиш учун тақдим этилган.