Мосул мактабининг ўққа тутилиши оқибатида 81 киши ҳалок бўлди

Мосул ғарбида жойлашган мактаб ракета ҳужумига учради. Ироқ хавфсизлик тузилмасининг маълум қилишича, 81 киши ҳалок бўлган, деб ёзади «ТАСС».

Мосулнинг ИШИД гуруҳи жангарилари назорати остида бўлган ғарбий ҳудудидаги Ал-Вела мактабига зарба берилган. Ҳалок бўлганлар орасида 34 эркак, 29 аёл ва 18 бола бор.

Бу одамлар Ироқ кучлари ва ИШИД ўртасида давом этаётган жанглар туфайли ўқув муассасаси биносида яширинган эди. Ҳозирги пайтда қайси томон мактабга зарба берганлиги ҳақида аниқ маълумот йўқ.

ИШИД экстремистик гуруҳи жаҳоннинг бир қатор мамлакатлари ва халқаро ташкилотлар томонидан «террорчилик ташкилоти» деб топилган.