Британиялик таниқли хонанда Стинг (ҳақиқий исми Гордон Мэтью Томас Самнер) Нью-Йоркдаги Гудзон соҳили яқинида жойлашган ҳашаматли квартирасини сотувга қўйди. Икки қаватли пентхауснинг нархи, тахминан, 56 миллион долларни ташкил қилмоқда. Бу ҳақда The Wall Street Journal нашрига таяниб, хабар беради «ТАСС».
Стинг ва унинг турмуш ўртоғи Труди Стайлер Марказий хиёбон яқинидан квартирани 2008 йили харид қилганди. Таниқли жуфтлик 16 ва 17-қаватдаги квартира учун 27 миллион доллар сарфлаган эди.
WSJ маълумотига кўра, майдони 500 квадрат метр квартира 65 ёшли Стингнинг катта оиласига торлик қилаётгани учун хонадонни сотиб, бошқа жойга кўчишга қарор қилинди. Стинг 6 фарзанднинг отаси ҳамда 4 неваранинг буваси саналади.
40 йилдан ошиқ мусиқий фаолияти давомида Стинг 100 дан ортиқ совринларга эга чиққан. Улар орасида 16 та Grammy, 25 та American Music Awards ва 1 та MTV Music Awards мукофотлари, «Кейт ва Лео» фильмидаги қўшиқ учун «Олтин Глобус» соврини бор.
Стинг «Фильм учун энг яхши қўшиқ» номинациясида уч марта «Оскар» мукофотига номзодлик қилган. Хонанда Голливуддаги «Шон-шараф хиёбони»да ўз юлдузига эга.
Изоҳ (0)