Microsoft мактаблар учун соддалаштирилган Windows 10 S тизимли янги ноутбук ишлаб чиқарди

2 май куни Microsoft компанияси Surface Laptop номли янги ноутбук тақдимотини ўтказди. Мазкур компьютер таълим мақсадлари учун мўлжалланган, деб хабар бермоқда Meduza.

Ноутбук 999 долларга баҳоланмоқда. У Windows 10 S операцион тизими — Windows 10 тизимининг функциялари нисбатан кам компьютерда тез ишлашга мўлжалланган вариантида ишлайди.

Windows 10 S билан биргаликда ишлатиладиган бошқа қурилмалар савдога ёзда чиқарилади. Уларнинг орасида энг арзон қурилма 189 доллар деб белгиланди.

Surface Laptop экранининг диагонали 13,5 дюймга тенг. Microsoft аккумуляторнинг ишлаш муддати 14,5 соат эканлигини таъкидламоқда.

Surface Лаптоп ва Windows 10 S’ни Chromebook — Google томонидан Samsung ва бошқа компаниялар билан биргаликда, асосан, мактаблар учун ишлаб чиқариладиган арзон ноутбукларга рақобатчи деб аташмоқда. Ушбу ноутбуклар Chrome ОS операцион тизимида ишлайди. Google Chrome браузери уларнинг асосий интерфейси ҳисобланади.

«Дарё»нинг Telegram’даги расмий канали — @toshqindaryo’га аъзо бўлинг!