АҚШ Ҳарбий-денгиз кучларининг Cheyenne зарба берувчи атом сувости кемаси 2 май, сешанба куни жануби-ғарбий япон ороли Кюсюда жойлашган Сасебо ҳарбий-денгиз базасига кирди. Япония ТИВнинг расман маълум қилишича, сувости кемаси бортида 138 кишидан иборат жамоа мавжуд, деб ёзади «ТАСС».
Сувости кемаси портга расман заҳираларни тўлдириш ва экипаж ҳордиқ чиқариши учун кирган. Бироқ Сасебо порти Корея яриморолига қараган ва унинг сувларида Cheyenne’нинг пайдо бўлиши КХДР билан боғлиқ инқироз билан боғланмоқда.
Ҳозирги пайтда Япон денгизида АҚШ Ҳарбий-денгиз кучларининг Carl Vinson атом авиаташувчиси бошчилигидаги зарба бериш гуруҳи жойлашган. Унинг таркибида ракета крейсери ва икки ракета эсминеци ҳам мавжуд. Гуруҳга USS Michigan зарба берувчи атом сувости кемаси ҳамроҳлик қилади. У Сасебодаги USS Cheyenne каби Tomahawk қанотли ракеталари билан қуроллантирилган.
«Дарё»нинг Telegram’даги расмий канали — @toshqindaryo’га аъзо бўлинг!
Изоҳ (0)