АҚШ Федерал қидирув бюросининг (ФҚБ) ИШИД жангарисига нисбатан текширувда иштирок этиш топширилган ходимаси Сурияга жўнаб кетган ва жангарига турмушга чиққан. Бу ҳақда CNN манбаларига таяниб, «РИА Новости» хабар бермоқда.
Телеканалга кўра, ФҚБ таржимони Даниэла Грин қаерга жўнаши ҳақида ёлғон гапиради ва эри Денис Каспертни текширув ҳақида огоҳлантиради. Грин Каспертга 2014 йилда турмушга чиққанди, бироқ ОАВ бундан энди хабар топди.
Бир неча ҳафтадан сўнг Грин хато қилганини тушуниб етади ва АҚШ га қайтади. Бу ерда у ҳибсга олинди. Грин расмийлар билан ҳамкорлик қилишга рози бўлди. У икки йиллик қамоқ жазосига ҳукм қилинади ва ўтган йил ёзида озодликка чиқади.
39 ёшли Касперт 2015 йил октябрида АҚШ авиациясининг Сурияга ҳужуми чоғида йўқ қилинди. Давлат департаменти ўта хавфли халқаро террорчилар рўйхатига кирган германиялик собиқ рэпер ИШИДга 2012 йилда қўшилган ва гуруҳнинг тарғиботчиси ҳамда ёлловчиси бўлиб хизмат қилганди.
«Дарё»нинг Telegram’даги расмий канали — @toshqindaryo’га аъзо бўлинг!
Изоҳ (0)