Бугун,

  • USD 11095.31
  • RUB 173.84
  • EUR 10772.44

КХДР 29 апрель куни баллистик ракетанинг синов парвозини амалга оширди. Бу ҳақда Жанубий Кореянинг Yonhap агентлиги хабар бермоқда. Meduza’нинг ёзишича, бу апрель ойи бошидан бери КХДР ўтказган учинчи ракета синовидир.

Фото: «ТАСС»

Фото: «ТАСС»

Ракета учирилгани ҳақидаги ахборотни АҚШ Қуролли кучларининг Тинч океани бўйича қўмондонлиги ҳам тасдиқлаган. Америка ҳарбийларининг таъкидлашича, ракета стартдан кўп ўтмай ҳавода портлаб кетган, унинг бўлаклари Шимолий Корея ҳудудига, Пукчан аэропортидан 35 километр масофада қулаган.

Ракета синовини АҚШ, Жанубий Корея, Япония вакиллари қоралаб чиқди. КХДРда синов ўтказилгани ҳақидаги ахборот пайдо бўлганидан сўнг, Японияда хавфсизлик чоралари кучайтирилди, хусусан, Токио метросининг бир қатор йўналишларида ҳаракат тўхтатилди.

«РИА Новости»нинг қайд этишича, ракета синовлари БМТ Хавфсизлик Кенгашида КХДРга нисбатан босимни кучайтириш масаласи муҳокама қилинган махсус йиғилиш якунига етганидан бир неча соат ўтиб амалга оширилган.

Хусусан, мазкур мажлисда АҚШ Пхеньянга нисбатан санкцияларни кучайтиришни, Жанубий Корея эса КХДРни БМТ таркибидан чиқаришни таклиф қилган эди.

«Дарё»нинг Telegram’даги расмий канали — @toshqindaryo’га аъзо бўлинг!

Изоҳ
Асосий янгиликлар
Кино
Кино ижодкорлар томонидан ишора қилинган, аммо кўпчилик пайқамаган машҳур фильмлардаги деталлар (фото)
Дунё
АҚШ осмонида разведкачи ҳаво шари аниқланди. Пентагон шарни Хитойга тегишли деб ҳисобламоқда (видео)
Маҳаллий
Ўзбекистоннинг қатор ҳудудларида 4 февраль куни ҳам ёмғир ёғади