Ўзбекистондаги қишлоқларидан бирида истиқомат қилувчи Қаҳрамон Пўлатов шифокор сертификатини қалбакилаштириб, бир йил давомида шифокор бўлиб ишлаб келгани маълум бўлди.
Шу давр ичида у ярим миллион долларга тенг маблағ ишлаб топди. Бу ҳақда Ўзбекистон Бош прокуратураси газетасига таянган ҳолда «РИА Новости» ёзмоқда.
Айтилишича, Пўлатов Бутунжаҳон психологлари, шифокорлари ва халқ табобати уюшмаси аъзосининг сохта сертификатини қўлга киритган. Ўша вақтда у Бухоро вилоятида тракторчи бўлиб ишлаган.
Сертификатни қўлга киритгач, тракторчи қариндошлари билан биргаликда тиббий хизматлар кўрсатиш бўйича хусусий ташкилот тузган. Шифокор сифатида фаолият юритган бир йили давомида Пўлатов 1,8 миллиард сўм ишлаб топган.
Жиноят ишлари бўйича Бухоро вилояти суди қарорига кўра, Қаҳрамон Пўлатов энг кам ойлик иш ҳақининг 150 баравари миқдорида жарима тўлаши керак бўлади. Шунингдек, у саккиз йилга озодликдан маҳрум қилинди.
«Дарё»нинг Telegram’даги расмий канали — @toshqindaryo’га аъзо бўлинг!
Изоҳ (0)