АҚШ президенти Мексика билан чегара ҳудудда девор қурилишини талаб қилаётган яна бир сабабни маълум қилди, деб хабар беради «Газета.ru».
Дональд Трампнинг сўзларига кўра, девор мамлакатга наркотик моддалар киришини тўхтатишга хизмат қилади.
«Девор — мамлакатимизга ёшларни (ва бошқа кўпларни) заҳарлаётган наркотик моддаларнинг кириб келишига қарши курашнинг муҳим воситасидир», — деб ёзади Трамп ўзининг Twitter’даги саҳифасида.
Эслатиб ўтамиз, аввалги чиқишларида президент девор АҚШга ноқонуний муҳожирлар киришини тўхтатиш учун кераклигини қайд этар эди.
«Дарё»нинг Telegram’даги расмий канали — @toshqindaryo’га аъзо бўлинг!
Изоҳ (0)