21 апрель куни Тошкентдаги Гимнастика саройида бадиий гимнастика бўйича Жаҳон кубогининг навбатдаги босқичи доирасида мусобақалар бўлиб ўтди. Мусобақаларда Россия Федерациясининг бадиий гимнастика бўйича терма жамоаси ҳам иштирок этмоқда. Жамоа билан биргаликда Тошкентга унинг бош мураббийи ва Бутунроссия бадиий гимнастика федерацияси президенти Ирина Винер етиб келди. Бу ҳақда «Nuz.uz» хабар берди.
Шу куни Жаҳон кубоги босқичининг расмий очилиш маросимига фахрий меҳмон сифатида Алина Кабаева ҳам етиб келди.
Самарқандда туғилган Ирина Винер бадиий гимнастика бўйича уч карра Ўзбекистон чемпиони бўлган. 1992 йилдан у Москвада яшаб келади ва 2001 йилдан Россиянинг бадиий гимнастика бўйича терма жамоасига мураббийлик қилади.
Унинг шогирди Алина Кабаева эса бадиий гимнастика билан Тошкентда шуғулланишни бошлаган, 1995 йилдан Москвага кўчиб ўтиб, спорт карьерасини Ирина Винер раҳбарлиги остида давом эттирган.
Изоҳ (0)