Мексикада йирик наркобарон йўқ қилинди

Мексикада қидирувда бўлган йирик наркобаронлардан бири, «Бўғоз» наркокартели етакчиси Команданте Буқа лақабли Хулиан Мануэль Лойса Салинас жиноятчилар ва Мексика федерал хавфсизлик кучлари ўртасидаги тўқнашувда ўлдирилди. Бу ҳақда Тамаулипас штатининг Twitter’даги саҳифасида маълум қилинди.

«Тамаулипасда федерал кучлар жиноятчилар билан тўқнашувдан сўнг Буқа ва Панчо Карреон ўлдирилганини тасдиқлади», — дейилади хабарда.

Команданте Буқа Тамаулипасда энг кўп қидирилган жиноятчилар қаторига кирган. У Рейноса шаҳрида йўқ қилинган.

Бошқа хабарларда штат расмийлари фуқароларни эҳтиёткорликка чақирган, чунки наркокартелнинг бошқа аъзоларини аниқлаш бўйича операция давом этмоқда.

«Дарё»нинг Telegram’даги расмий канали — @toshqindaryo’га аъзо бўлинг!